De licentia alienandi pro Adam Wyntroppe Seniore

Rex et Regina etc. Omnibus ad quos etc. Salutem Sciatis quod nos de gratia nostra speciali ac pro nouem libris decem solidis et quinque denarijs nobis solutis in Hanaperio nostro concessimus et licenciam dedimus ac per presentes concedimus et licenciam damus pro nobis heredibus et successoribus nostrum dicte Regine quantum in nobis est Adam Wyntrop seniori quod ipse totum illud manerium suum de Grotton in Comitatu nostro Suffolcie cum suis iuribus membris et pertinentibus vniuersis nuper Monasterio de Bury Sancti Edmundi in eodem Comitatu dudum spectans et pertinens ac parcellam possessionum et reuencionum eiusdem nuper Monasterii existens Acetiam omnia et singula mesuagia terras tenementa prata pascuas pasturas boscos subboscos aduocationes iura patronatus redditus reuersiones seruicia curias libertates franchesias profitua commodidates et hereditamenta quecumque cum suis singulis pertinentibus habitis existentibus reputatis cognitis siue vsitatis vt pars parcella siue membra manerii predicti aut dicto manerio aliquo modo spectantibus siue pertinentibus Que de nobis tenentur in Capite dare feoffare alienare vendere et concedere possit aut per finem cognoscere in Curia nostra coram Justiciariis nostris de Banco leuandum seu quocumque alio modo Dilectis nobis Simoni Ponder et Johanni Ponder habendum et tenendum eisdem Simoni et Johanni et heredibus suis ad opus et vsum prefati Adam et Agnetis uxoris sue pro termino vite eorum et eorum alterius diucius viuentis Et post decessum ipsorum Adam et Agnetis ad opus et vsum Johannis Wyntrope secundi geniti filii predictorum Adam et Agnetis ac heredum masculorum de corpore ipsius Johannis legittime procreatis Et pro defectu talis exitus ad opus et vsum predicti Adam et heredum suorum imperpetuum de nobis heredibus et successoribus nostrum dicte Regine pro seruicia inde debita et de iure consueta Et eisdem Simoni et Johanni Ponder quod ipsi predictum manerium mesuagium terras tenementa redditus reuersiones ac cetera omnia et singula premissa cum pertinentiis a prefato Adam recipere possint et tenere sibi heredibus et assignatis suis predictis ad opus et vsus predicta de nobis heredibus et successoribus nostrum dicte Regine predicte per seruicia predicta imperpetuum sicut predictum est tenore presencium similiter licenciam dedimus ac damus specialem Nolentes quod prefati Adam et Agnes aut predicti Simon et Johannes Ponder vel heredes sui aut predictus Johannes 13Wyntroppe vel heredes masculi de corpore suo legittime procreati aut recti heredes prefati Adam imperpetuum ratione premissorum siue eorum alicuius per nos heredes vel successores nostrum dicte Regine Justiciarios Escaetores Vicecomites Balliuos seu alios Ministros nostros vel dictorum heredum seu successorum nostrum prefate Regine quoscumque inde occasionentur molestentur perturbentur vexentur in aliquo seu grauentur nec eorum aliquis occasionetur molestetur perturbetur vexetur in aliquo seu grauetur In cuius rei etc. Teste Rege et Regina apud Westmonasterium secundo die Maii.