Unde tam diutinum silentium tuum? nam per tot menses nil quicquam literarum â Te vidi. Superstitem adhuc te esse spero; cur taceas haut scio. Rogo ah ut gratissimis tuis literis me quamprimum bees, condictique memineris. Doleo res Anglicanas ita turbatas; te verò in iis pace tamen et salute frui confido. Ego quidem adhuc cum meis valeo; sed nimis, scholastico nimirum munere, distractus: unde nimis me sublevatum velim. Vale dulcissime Amice et illico rescribe. Tuae Claritati amantissimus