In hoc tenebrarum ambitu, in hoc lachrimarum Labyrintho, in hoc vanissimo mundi theathro, vnusquisque viator est, nec non peregrinus. Atque inde neminem secundis genijs foelicem, neminem dijs, hominibusque plaudentibus in hoc malorum mari beatum dici posse videatur. Secundum illud, Nemo tam divos habuit faventes, crastinum vt possit sibi polliceri. Qui vero Caelum ipsum immortalitatis cedem sedem immaculata animâ, corpore obscuris vitiorum nubilis neutiquam obfuscato meditantem meditans, et tanquam filius patrem, exul patriam, miserus foelicitatem, totis conatibus Deum patrem, Caelum patriam, et Christum foelicitatis fontem exoptantem exoptans in hac peregrinatione ambulavit; ille ad foelicitatis apicem in hoc mundo non solum properitissime accessit, verum etiam illi Deus amplissimam beatitudinis ianuam aperte patefecit. Et quando ex huius mundi tempestuosissimo pelago ad portum aeternae salutis absque fidei naufragio, veritatis interitu, et religionis damno foeliciter navigavit, Deo foelicitatis fonte satis abunde perfruetur. Et post multos lachrymarum ambitus otium sine labore, salutem sine aegritudine, gaudium sine dolore adeptus, tandem aliquando regnans, triumphansque cum omnibus Christi fidelibus aeternum Deo patri canet Haleluiea. Atque haec omnia tu (Pater amantissime) tamquam vngues, digitosque cognoscens hanc inexpectatam nobis aegritudinem melius, pacato animo, arridenti vultu sufferre, et tollerare contra omnia es praemunitus. Atque etiam hac in re nos consolati sumus pro comperto scientes omnia in meliora operari, et quod deus vltra vires te tentari non patietur. Praesertim autem cum videmus Deum omnipotentem, cui in aeternum gratias, intemperiem vestram etiam iam aliquantulum mittegasse, adeo vt non prius de aegritudine, quam etiam de salute accepimus novitatem. Orandus ergo deus est, vt, quemadmodum incepit, pergat, et vt tandem te incolumem nobis perfecte redditurum audiamus. qua precatione, morigerosum mei officium tibi, obsequium avunculis, et amitis, amorem amicis omnibus impertiens, te, vestramque salutem Dei mando providentiae. Vale. Filius tuus in omni obedientiâ